سوالف فجر ,, بين أغصان الشجر ..

أهز جذع الغلا ,, تتساقط ثماره رطب  ..

شيء زعل ,, وشيء رضا ,, وشيء غلا ,, وشيء مفارق ,, وشيء لقا ,, وشيء معانق احباب ,, وشيء عذاب ,, وشيء تعب ,, وشيء لحظات اكتئاب ,, وشيء حب ,, وشيء نبض قلب ,, ومعاند حياة ,, وشيء رفقة درب ,, وشيء وله ,, وشيء حنين ,, وشيء آسى ,, وشيء غصات وأنين ,, وشيء مر السنين ,, وشيء ذكرى ,, وشيء رحله ,, وشيء جاء ورحل ,, وشيء مضى ,, وشيء باقي ,, وشيء مابقى ..

وش اللي صار متى ينضج هالثمر ..!

وينهي رحلة الاحتضار ع أغصان العمر ..

نسأل هل لهذا الثمر آخر ..

هل لباقي الأغصان أثر ..

داخل جذوع العمر ..

مل يتأفف ويحتضر ..

ينزف أنين ويرتجف ..

تعب سنين ويحن لك ..

رحله بها ألوان العذاب ... تبدأ ببزوغ الفجر ..

رحله أبت تطلع من بابك وترجع لذاك الباب ..

شجر نبت عند بابك ... خطيت عتبة الباب ومشيت ... انثنى غصنه عليك ..

يبيك توقف .. يبيك تناظر .. يبيك تحس

بإن هذي اغصاني ومنك وفيك ..

ياليت ناظرته كان سقيته ..

ومن التفكير بعذابه رحمته ..

خله يشم الهواء ويحس بشمس الصباح كل يوم تطل عليه ..

وتحن له .. لاتستغرب كل هذي مشاعر هالشجر ..

هالشجر بالنسبه لي يمثل العمر ,, وأغصانه رحلات العمر ..

وأنت ثاني أكسيده وماءه ..

وشمسي لما تضوي وأنت مو قربي تشبه مسائي ..

انت ما تدري بأنك وأنت نايم بالمساء أتنفسك ..

و أستنشق الصباح بصحوتك ..

استنشق الطله واستنشقك ..

ليه تبخل ..؟

ليه تضايق ..؟

وليه تزعل ..؟

دام عند بابك شجر يحن حتى لعتابك ..

ويبكي أطلالك لا رحلت ,, وإذا رجعت هو أول من يستقبلك ..

أذكرني قبل لا تخطي عتبة بابك ..

أذكرني صفحه وأطوي بعدها كتابك ..

أذكرني ثمر وأغصان وشجر دارك ..

بيجيك يوم وتحن وترخص لأجل الغالي أهدابك ..

لأنك بعدها بتحس بـ إنك مفارق أغلى أحبابك .. 

10/3/2010م